අන්නාසි චීස්කේක්
20 Minutes
සාදාගැනීමට ගතවන කාලය
30 Minutes
සිසිල් කිරීම
8
සංග්‍රහ කිරීම
ඔබට අවශ්‍ය වේ
- MILKMAID පොඩි ටින් ½ක්
- මාරි බිස්කට් 15ක්(100g)
- බටර් 100g (උණු කරගත්)
- ජෙලටීන් මේස හැඳි 2ක්
- අන්නාසි යුෂ කෝප්ප ¼ක්
- කපාගත් අන්නාසි කෝප්ප 1ක්
- නැවුම් කී‍්‍රම් කෝප්ප 1ක් (150ml)
- මුදවපු කිරි 200g
පෝෂණ තොරතුරු
- ශක්තිය : 306.9 kcal
- කාබොහයිඩ්‍රේට් : 29.8 g
- ප්‍රෝටීන් : 4.0 g
- මේදය : 19.4 g
අපි ඒක හදමු
පියවර 1
බඳුනකට දමා බිස්කට් හොඳින් කඩාගන්න. අනතුරුව එයට උණුකළ බටර් එකතුකර හොඳින් මිශ්‍ර කරගන්න. මිශ්‍රණය නොගැඹුරු වීදුරු තසිමකට දමා තද කරන්න. අනතුරුව මිනිත්තු 15ක් පමණ ශීතකරණයේ තබාගන්න.
පියවර 2
පිරිසිදු කපු රෙද්දකට මුදවපු කිරි දමාගෙන මිනිත්තු 10ක් පමණ වතුර ඉවත් වනතුරු පැත්තකින් එල්ලා තබන්න.
පියවර 3
වෙනම බඳුනකට අන්නාසි යුෂ මතට ජෙලටින් එක්කර ගන්න. අනතුරුව එම බඳුන වතුර සහිත සාස්පානක් උඩ තබා එය ලිපේ තබා ජෙලටින් දියවන තුරු හැඳිගාන්න.
පියවර 4
සකස් කරගත් මුදවපු කිරි සහ MILKMAID හොඳින් ගසාගන්න. එයට කපාගත් අන්නාසි එකතුකර අනතුරුව ජෙලටින් මිශ්‍රකර අන්නාසි යුෂ ද එකතු කරන්න.
පියවර 5
නැවුම් ක්‍රීම් එක හොඳින් ගසාගන්න. අනතුරුව එය මුදවපු කිරි මිශ්‍රණයට එකතු කරන්න. සිසිල් කරගත් බිස්කට් ලේයරයට මිශ්‍රණය වත්කරගෙන පැයක් 2ක් පමණ හෝ සවි වනතුරු ශීතකරන්න.
